Facebook monetization: सोशल मीडियाच्या जगात फेसबुक हे केवळ मित्रांशी गप्पा मारण्यासाठी किंवा फोटो शेअर करण्यासाठीच नाही, तर आता पैसे कमावण्यासाठीही एक मोठं साधन बनलं आहे. लाखो लोक रोज फेसबुक वापरतात आणि हा मोठा प्रेक्षक वर्ग कंटेंट क्रिएटर्ससाठी संधीचं दार उघडतो. आकर्षक आणि वेगळा कंटेंट तयार करून त्यातून चांगली कमाई करता येते.
फेसबुकवर पैसे मिळवण्यासाठी काय करावं लागतं?
फेसबुकवर पैसे मिळवण्यासाठी काही नियम आणि प्रक्रिया आहेत. सर्वात आधी क्रिएटरला Facebook Monetization Program चा भाग व्हावं लागतं. या प्रोग्रॅममध्ये सहभागी होण्यासाठी पेजवर ठराविक फॉलोअर्स असणे आवश्यक आहे, व्हिडिओ नियमित अपलोड केले पाहिजेत आणि फेसबुकच्या कम्युनिटी गाईडलाइन्स तसेच मॉनिटायझेशन पॉलिसीचं पालन करणं गरजेचं असतं.
फेसबुकवर पैसे कसे मिळतात?
हे सर्व पूर्ण झाल्यावर व्हिडिओमध्ये In-Stream Ads म्हणजेच व्हिडिओच्या मधोमध चालणाऱ्या जाहिराती दाखवता येतात. या जाहिरातींमधूनच फेसबुककडून थेट पैसे मिळतात.
Read also: Instagram Reels वर 1000 Views साठी किती पैसे मिळतात? क्रिएटर्सची कमाईची संपूर्ण माहिती
5000 व्यूजसाठी किती पैसे मिळतात?
फेसबुकवर कमाई किती होईल हा प्रश्न अनेकांचा असतो. मात्र, यासाठी, ठरलेला एकच दर नसतो. कमाई काही गोष्टींवर अवलंबून असते.
- दर्शक कोणत्या देशातील आहेत.
- व्हिडिओ किती वेळाचा आहे.
- त्यात किती जाहिराती दाखवल्या गेल्या.
- प्रेक्षकांनी त्या व्हिडिओवर किती लाईक, कमेंट आणि शेअर केले.
सामान्यतः 5000 व्यूजसाठी 50 रुपयांपासून 200 रुपयांपर्यंत कमाई होऊ शकते. अमेरिका किंवा यूरोपसारख्या देशांतील प्रेक्षक असतील तर रक्कम जास्त मिळते, तर भारतासारख्या देशांमध्ये तुलनेने कमी मिळते.
जास्त कमाई करण्यासाठी काय करावं?
फेसबुकवर जास्त कमाई करायची असेल तर व्हिडिओ आकर्षक आणि मोलाचा असावा. व्हिडिओचा कालावधी 3 मिनिटांपेक्षा जास्त ठेवला तर जाहिराती लावता येतात. याशिवाय प्रेक्षकांशी संवाद साधून त्यांना गुंतवून ठेवणं महत्त्वाचं आहे. व्हिडिओ जितका जास्त शेअर केला जाईल, तितके जास्त प्रेक्षक मिळतील आणि त्यामुळं व्यूज तसेच कमाईही वाढेल.